MAMBO MUHIMU YANAYO HITAJIKA KATIKA KUANDIKA PENDEKEZO LA MRADI

 <<Na Claudio Malingumu>>

1.MALENGO NA MADHUMUNI(WAPI TUNAHITAJI KUELEKEA?)
Lengo ni jambo kubwa ambalo tunakusudia kulitimiza.
Madhumuni ni mambo mahususi ambayo yapo ndani ya lengo kuu ambayo tunayakusudia kuyafanya ili kuweza kufanikisha lengo kuu.

2.MKAKATI-NJIA GANI TUTAPITIA/TUTATUMIA.
Mikakati ni ile aina ya njia ya utekelezaji itakayotumika katika kufanikisha jambo Fulani, mara nyingi mikakati hutuwezesha kufikia yale malengo na madhumuni tuliyo yakusudia na kutufanya tuweze kupata maendeleo ya muhimu katika kila lengo. Makasimio ya mkakati yanaweza kuondoa, au kupunguza tatizo au kutoa nafasi ya kuweza kilimudu tatizo husika, zaidi sana kuliondoa ndani ya wakati uliopangwa na kwakutumia rasilimali zilizop tofauti na iwapo hatutakuwa na mkakati wowote maalum.

3.MIPANGO YA UKAMILISHAJI(JINSI YA KUFIKIA LENGO)
Hii ni sehemu ya ndani kabisa ya pendekezo la mradi linalo elezea ni wapi unahitaji kuelekea na kwa namna gani, hapa utaelezea kwa undani jinsi utakavyofanya ili kufanikisha lengo.
Hapa tutaanza na kueleza bayana ni nini kinahitajika katika kufanikisha mpango wako, kama vile nguvukazi yaani rasilimali watu, vifaa, mahitaji mengine, gharama za uendeshaji, pia sio vile tu unavyohitaji kupewa na wafadhili, lakini na vile ambavyo tayari unavyo na vinaweza kuhusika katika kukamilisha mpango wako.
Tambua kuwa unahitajika kuandaa na wasilisha mpango kazi kwa kila kipande cha utendaji na muda maalum utakaohitajika kufanikisha shughuli hiyo, hii ni muhimu kufanyika hususani katika miradi mikubwa.
Yaani ; Shughuli A, shughuli B, shughuli C na shughuli D
Hii itahusisha;
Vitu mstari kama vile gharama za uendeshaji kwa mradi mzima,
Gharama nyingine ikiwemo gharama za kufikirika kama vile gharama za dharura, gharama za kujikinga na hatari n.k
unaotumika katika utekelezaji wa mradi huo, mchanganuo wa mpangilio unaweza kuhususha chati za michakato mbalimbali, miunganiko mizuri ya kila mchakato, yenye usimamizi mzuri unotolewa ripoti ya kila kazi na matumizi yake.

4.UFUATILIAJI NA TATHIMINI(TUTAJUAJE KUWA TUMEFANIKIWA)
Onesha kwa wahisani mfumo wa uangalizi na tathimin ya michakato mbalimbali iliyoko katika mradi ikonesha wajibu mbalimbali na kila shughuli inayo hitaji ufuatiliaji wa kina.

5.BAJETI(ITAGHARIMU KIASI GANI CHA PESA)
Katika pendekezo lako la mradi ni lazima ioneshe wazi na kwa usahihi ni kiasi gani itagharimu kwa vitu vitakavyo hitajika pamoja na shughuli mbalimbali zilizopo kwenye mradi huo.

 
6.KIAMBATANISHO/ CHA MUOMBAJI.(SISI NI AKINA NANI)
Hapa yanahusika maelezo ya asasi inayoomba pesa kwaajili ya mradi husika, vitu kama vile vipeperushi vya asasi, au ripoti za mwaka, ama maelezo yoyote yanayoweza kutoa utambulisho juu ya asasi husika, labda iko maeneo gani kijografia, au inafanya kazi maeneo gani.
Pia pamoja na hayo ni muhimu kuandaa maelezo ya uzoefu kuhusu mradi unaotaka kuuendesha kama umeshawhi kufanya mradi kama huo au la, hapa utaelezea ni nini uzoefu wako katika kupanga, kuendesha,kutekeleza na kutahtimini. Ni nini mafanikio yako katika Nyanja hizo.

7.UTHIBITISHO
Ni muhimu kueleza na kutoa sababu kwamba kwa nini pendekezo lako lipewe kipaumbale nap engine kwanini lipewe pesa unayohitaji.
Elezea tatizo linaloikumba jamii kwa ujumla na ni kwanamna gani tatizo linaweza kuendelea kuwa kubwa au ni kwajinsi gani njia zilizopo haziwezi kuliondoa au hata kulipunguza na nini utafanya ili kuliondoa au kulipunguza katika jamii unayoilenga.

8.MUHTASARI.
Mara nyingi huonekana katika kurasa za kwanza za pendekezo la mradi ingawaje huwandikwa mwishoni,hii ni kwasababu inaeleza kwa ujumla mradi mzima utakavyo endeshwa pamoja na mahitaji yake yote ikiwemo bajeti ya mradi huo.